ఆంధ్రభారతి - తాళ్లపాక అన్నమాచార్య కీర్తనలు - పావనము గావో జిహ్వా బ్రదుకవో జీవుఁడా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 173-4
సంపుటము: 2-359

తాళ్లపాక అన్నమాచార్య

రాగము: భూపాళం

పావనము గావో జిహ్వా బ్రదుకవో జీవుఁడా వేవేల కితని నింక వేమారునుఁ బాడి	॥పల్లవి॥
హరినామములే పాడి అతని పట్టపురాణి ఇరవై మించినయట్టి యిందిరఁ బాడి సరి నిరువంకలాను శంఖచక్రములఁ బాడి వరద కటిహస్తాలు వరుసతోఁ బాడి	॥పావ॥
ఆదిపురుషునిఁ బాడి అట్టె భూమిసతిఁ బాడి పాదములఁ బాడి నాభిపద్మముఁ బాడి మోదపు బ్రహ్మాండాలు మోచే వుదరముఁ బాడి ఆదరానఁ గంబుకంఠ మంకెతోఁ బాడి	॥పావ॥
శ్రీవేంకటేశుఁ బాడి శిరసు తులసిఁ బాడి శ్రీవత్వముతోడురముఁ జెలగి పాడి లావుల మకరకుండలాల కర్ణములు పాడి ఆవటించి యీతని సర్వాంగములుఁ బాడి	॥పావ॥