అధ్యాత్మ సంకీర్తన
రేకు: 173-6
సంపుటము: 2-361
రేకు: 173-6
సంపుటము: 2-361
తాళ్లపాక అన్నమాచార్య
రాగము: నాట
| ఎత్తుకొన్న బహురూప మిఁక మరి మానరాదు చిత్తగించి మన్నించు శ్రీనరసింహా | ॥పల్లవి॥ |
| పట్టి ప్రహ్లాదునికై కంబములోన నుండితివి గట్టిగా కనకదైత్యు ఖండించితివి యిట్టి నీచేఁతలు విని యిందరుఁ గొల్చేరు నిన్ను కట్టుకొంటి వింతపని ఘననారసింహా | ॥ఎత్తు॥ |
| దేవతల మొరాలించి దీకొంటి వింతపనికి చేవ నభయము లిచ్చి చేయె త్తితివి దేవుఁడ వని యెఱిఁగి త్రిజగాలు మొక్కె నీకు నీవల్లనే వచ్చె నిది నిత్యనారసింహా | ॥ఎత్తు॥ |
| భూకాంతవిన్నపము పొంచి విని గురైతివి శ్రీకాంత తొడమీఁదఁ జేకొంటివి మీకును శ్రీవేంకటాద్రిమీఁదనే శరణంటిమి దాకొనె మీమహిమలు దండినారసింహా | ॥ఎత్తు॥ |