ఆంధ్రభారతి - తాళ్లపాక అన్నమాచార్య కీర్తనలు - దిక్కు నీవే జీవులకు దేవసింహమా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 174-2
సంపుటము: 2-363

తాళ్లపాక అన్నమాచార్య

రాగము: సాళంగనాట

దిక్కు నీవే జీవులకు దేవసింహమా తెక్కుల గద్దియమీఁది దేవసింహమా	॥పల్లవి॥
సురలెల్లాఁ గొలువఁగ సూర్యచంద్రులకన్నుల తిరమైన మహిమల దేవసింహమా నిరతిఁ బ్రహ్లాదుఁడు నీయెదుట నిలిచితే తెరదీసితి మాయకు దేవసింహమా	॥దిక్కు॥
భుజము లుప్పొంగఁగాను పూఁచిన శంఖుఁజక్రాల త్రిజగముల నేలేటి దేవసింహమా గజభజింపుచు వచ్చి కాచుక నుతించేటి- ద్విజమునిసంఘముల దేవసింహమా	॥దిక్కు॥
ముప్పిరిదాసులకెల్లా ముందు ముందే యొసగేటి- తిప్పరాని వరముల దేవసింహమా చిప్పల నహోబలాన శ్రీవేంకటాద్రిమీఁద తెప్పల దేలేటియట్టి దేవసింహమా	॥దిక్కు॥