ఆంధ్రభారతి - తాళ్లపాక అన్నమాచార్య కీర్తనలు - హరియు సిరియు నేఁగే రదివో తేరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 174-5
సంపుటము: 2-366

తాళ్లపాక అన్నమాచార్య

రాగము: గౌళ

హరియు సిరియు నేఁగే రదివో తేరు పరంజ్యోతి స్వరూపపు పైఁడికుండ తేరు	॥పల్లవి॥
గరుడధ్వజపుఁ దేరు కనకమయపుఁ దేరు సురలు బొమ్మలైనారు చుట్లఁ దేరు మెరుఁగుల మేఘముల మించుఁ గొఱిఁగెల తేరు సిరుల ధ్రువలోకపు శిఖరపుఁ దేరు	॥హరి॥
బలుకుల పర్వతాలె బండికండ్లైన తేరు నలుదిక్కు లంచుల వున్నతపుఁ దేరు కొలదిఁలేని చుక్కలకుచ్చుల ముత్తేల తేరు మెలుపు నాకాశగంగ మేలుకట్ల తేరు	॥హరి॥
మునులనే వుత్తమాశ్వములఁగాఁ గట్టిన తేరు ఘనమహిమలనే సింగారపుఁ దేరు యెనసి శ్రీవేంకటేశుఁ డెపుఁడూ నలమేల్మంగ దినదినభోగములఁ దిరమైన తేరు	॥హరి॥