ఆంధ్రభారతి - తాళ్లపాక అన్నమాచార్య కీర్తనలు - ఈతఁడే యీతఁడే సుండి యెంత యెంచిచూచినా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 175-3
సంపుటము: 2-371

తాళ్లపాక అన్నమాచార్య

రాగము: సాళంగనాట

ఈతఁడే యీతఁడే సుండి యెంత యెంచిచూచినా చేతనే వరాలిచ్చీ శేషాచలేశుఁడు	॥పల్లవి॥
విశ్వరూపబ్రహ్మము విరాట్టయిన బ్రహ్మము ఐశ్వర్యస్వరా ట్టాసామ్రాట్టయిన బ్రహ్మము శాశ్వతబ్రహ్మాండాలు శరీరమైన బ్రహ్మము యీశ్వరుఁడై మహరాట్టై యిందరిలో బ్రహ్మము	॥ఈతఁ॥
సూర్యునిలో తేజము సోమునిలో తేజము శౌర్యపు టనలుని భాస్వత్తేజము కార్యపు టవతారాలఁ గనుఁగొనే తేజము వీర్యపుటెజ్ఞభాగాల విష్ణునామ తేజము	॥ఈతఁ॥
పరమపురుషమూర్తి ప్రకృతియైన మూర్తి గరిమతో మహదహంకార మూరితి ధరఁ బంచతన్మాత్రలు తత్త్వములైన మూరితి గరుడానంత సేనేశకర్తయైన మూరితి	॥ఈతఁ॥
భాగవతపు దైవము భారతములో దైవము సాగిన పురాణవేదశాస్త్ర దైవము పోగులైన బ్రహ్మలను బొడ్డునఁ గన్న దైవము శ్రీగలిగి భూపతైన శ్రీవేంకటదైవము	॥ఈతఁ॥