ఆంధ్రభారతి - తాళ్లపాక అన్నమాచార్య కీర్తనలు - గతులన్ని ఖిలమైన కలియుగమందును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 175-4
సంపుటము: 2-372

తాళ్లపాక అన్నమాచార్య

రాగము: దేసాళం

గతులన్ని ఖిలమైన కలియుగమందును గతి యీతఁడే చూపె ఘనగురుదైవము	॥పల్లవి॥
యీతనికరుణనేకా యిల వైష్ణవులమైతి- మీతనివల్లనే కంటి మీతిరుమణి యీతఁడేకా వుపదేశ మిచ్చె నష్టాక్షరిమంత్ర- మీతఁడే రామానుజులు యిహపరదైవము	॥గతు॥
వెలయించె నీతఁడేకా వేదపు రహస్యములు చలిమి నీతఁడే చూపె శరణాగతి నిలిపినాఁ డీతఁడేకా నిజముద్రధారణము మలసి రామానుజులే మాటలాడే దైవము	॥గతు॥
నియమము లీతఁడేకా నిలిపెఁ బ్రపన్నులకు దయతో మోక్షము చూపెఁ దగ నీతఁడే నయమై శ్రీవేంకటేశు నగ మెక్కేవాకిటను దయఁజూచీ మమ్ము నిట్టే తల్లితండ్రి దైవము	॥గతు॥