ఆంధ్రభారతి - తాళ్లపాక అన్నమాచార్య కీర్తనలు - మొక్కరె మొక్కరే మీరు ముందు ముందే జయ లిడి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 176-5
సంపుటము: 2-379

తాళ్లపాక అన్నమాచార్య

రాగము: సాళంగనాట

మొక్కరె మొక్కరే మీరు ముందు ముందే జయ లిడి దక్కి శ్రీవేంకటేశుఁడే తానైన దేవునికి	॥పల్లవి॥
కరములు వే యవే కరములును భయం- కరనఖాయుధములు కడాఁలే వనే సిరి దొడపై నదె సింహపునెమ్మో మదే నరరూపు సగమదె నరసింహునికి	॥మొక్క॥
వంకరకోరలవె వజ్రపు దంతము లవె సంకునుఁజక్రము నిరువంకలా నవె జంకెల నేత్రము లవె జడలు మూఁపున నవె అంకె నభయహస్తము అదె నరహరికి	॥మొక్క॥
నిక్కినకర్ణము లవె నీలిమచ్చవుర మదె చుక్కల మొలపూసల నొక్కరూ పదె తొక్కినపాపము లవె తోడనే శ్రీవేంకటాద్రి పక్కెర నరసింహపు ప్రళయసింహునికి	॥మొక్క॥