ఆంధ్రభారతి - తాళ్లపాక అన్నమాచార్య కీర్తనలు - ఆర్తుఁడ నేను నీకడ్డ మెందును లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 177-2
సంపుటము: 2-382

తాళ్లపాక అన్నమాచార్య

రాగము: గుజ్జరి

ఆర్తుఁడ నేను నీకడ్డ మెందును లేదు మూర్తిత్రయాత్మక మొగిఁ గరుణించవే	॥పల్లవి॥
సర్వసాక్షివి నీవు సర్వాంతరంగుఁడవు సర్వసర్వంసహాచక్రవర్తి నిర్వాణమూర్తి నిగమాంతకీర్తి సర్వాపరాధములు క్షమియింపవే	॥ఆర్తుఁ॥
పరమాత్ముఁడవు నీవు పరంజ్యోతివి నీవు పరమ పరానంద పరమపురుషా కరిరాజవరదా కారుణ్యనిలయా శరణాగతుఁడ నన్ను సరిఁగావవే	॥ఆర్తుఁ॥
అణువులోపలి నీవు ఆదిమహత్తును నీవు ప్రణుత శ్రీవేంకటప్రచురనిలయా అణిమాదివిభవా ఆద్యంతరహితా గణుతించి నాపాలఁ గలుగవే నీవు	॥ఆర్తుఁ॥