ఆంధ్రభారతి - తాళ్లపాక అన్నమాచార్య కీర్తనలు - విజాతులన్నియు వృథా వృథా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 177-3
సంపుటము: 2-383

తాళ్లపాక అన్నమాచార్య

రాగము: లలిత

విజాతులన్నియు వృథా వృథా అజామిళాదుల కది యేజాతి	॥పల్లవి॥
జాతిభేదములు శరీరగుణములు జాతి శరీరము సరిఁ దోడనె చెడు ఆతుమ పరిశుద్ధంబెప్పుడును అది నిర్దోషం బనాది యీతల హరివిజ్ఞానపు దాస్యంబిది యొక్కటెపో సుజాతి	॥విజా॥
హరి యిందరిలో నంతరాత్ముఁడిదె ధరణి జాతిభేదము లెంచిన పరమయోగులీ భావ మష్టమదము భవవికారమని మానిరి ధరణిలోనఁ బరతత్త్వజ్ఞానము ధర్మమూలమే సుజాతి	॥విజా॥
లౌకిక వైదిక లంపటులకు నివి కైకొను నవశ్యకర్తవ్యంబులు శ్రీకాంతుండు శ్రీవేంకటపతి సేసిన సంపాదమిందరికి మేకొని యిన్నియు మీరినవారికి మీనామమే సుజాతి	॥విజా॥