ఆంధ్రభారతి - తాళ్లపాక అన్నమాచార్య కీర్తనలు - నందగోపనందనుడే నాఁటి బాలుడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 178-2
సంపుటము: 2-387

తాళ్లపాక అన్నమాచార్య

రాగము: బౌళి

నందగోపనందనుడే నాఁటి బాలుడు ఇందు నేఁడే రేపల్లె నేచి పెరిగెను	॥పల్లవి॥
పువ్వువంటి మఱ్ఱియాకుపొత్తిఁ బవళించనేర్చె యెవ్వఁడోకాని తొల్లె యీబాలుఁడు మువ్వంకవేదములను ముద్దుమాఁట లాడనేర్చె యెవ్వరూఁ గొంత నేర్పనేఁటికే వీనికి	॥నంద॥
తప్పుటడుగు లిడఁగనేర్చె ధరణియందు నాకసమున- నెప్పుగా రసాతలమున నొంటి తొల్లియే రెప్పలెత్తి చూడనేర్చె రేసీఁ జెంద్రునందు పగలు గొప్పసూర్యునందు నింకఁ గొత్త నేర్పనేఁటికే	॥నంద॥
మంచివెన్నబువ్వ లిపుడు మలసి యారగించనేర్చె- నంచితముగ శ్రీవేంకటాద్రిమీఁదను యెంచి యప్పలప్పలనుచు యెనసి కాఁగిలించనేర్చె దించరాని వురముమీఁద దివ్యకాంతను	॥నంద॥