ఆంధ్రభారతి - తాళ్లపాక అన్నమాచార్య కీర్తనలు - నాఁటికి నాఁడే నా చదువు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 15-3
సంపుటము: 1-91

తాళ్లపాక అన్నమాచార్య

రాగము: సామంతం

నాఁటికి నాఁడే నా చదువు మాటలాడుచును మఱచేటి చదువు	॥నాఁటికి॥
ఎనయ నీతని నెఱుఁగుటకే పో వెనకవారు చదివిన చదువు మనసున నీతిని మఱచుటకే పో పనివడి యిప్పటి ప్రౌఢల చదువు	॥నాఁటికి॥
తెలిసి యితనినే తెలియుటకే పో తొలుతఁ గృతయుగాదుల చదువు కలిగిన యీతనిఁ గాదననే పో కలియుగంబులోఁ గలిగిన చదువు	॥నాఁటికి॥
పరమని వేంకటపతిఁ గనుటకే పో దొరలగు బ్రహ్మాదుల చదువు సిరుల నితని మఱచెడికొరకే పో విరసపు జీవుల విద్యల చదువు	॥నాఁటికి॥