ఆంధ్రభారతి - తాళ్లపాక అన్నమాచార్య కీర్తనలు - ఇల జాణతనము లిన్నిటికిఁ గలదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 182-4
సంపుటము: 2-413

తాళ్లపాక అన్నమాచార్య

రాగము: లలిత

ఇల జాణతనము లిన్నిటికిఁ గలదు తలఁపే కూళై తగిలీఁ గాని	॥పల్లవి॥
మఱవదు దేహము మహిఁ దన గుణములు గుఱి నాహారము గొనునెపుడు మఱవ నింద్రియములు మర్మస్థలములు మఱచితి నిను నేమరులో కాని	॥ఇల॥
చెదరదు కర్మము సేసినంతయును పొదిగి జీవమును భోగించును చెదరదు సంసారశీతలబంధము మదిఁ జెదరెడి నామరులేకాని	॥ఇల॥
తొలఁగవు మాయలు తొడరి ప్రపంచము కలవలెఁ బెనగొని కదిసీని బలు శ్రీవేంకటపతికృపచే నాకు తొలఁగె భవము లెటు దూరీనో మరులు	॥ఇల॥