ఆంధ్రభారతి - తాళ్లపాక అన్నమాచార్య కీర్తనలు - ఈ సుర లీ మును లీ చరాచరములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 15-5
సంపుటము: 1-93

తాళ్లపాక అన్నమాచార్య

రాగము: నాదరామక్రియ

ఈ సుర లీ మును లీ చరాచరములు ^[1]యీ సకలమంతయు నిది యెవ్వరు	॥ఈ సురలీ॥
ఎన్నిక నామము లిటు నీవైయుండఁగ యిన్నినామముల వారిది యెవ్వరు వున్నచోటనే నీవు వుండుచుండఁగ మరి యిన్నిటాఁ దిరుగు వారిది యెవ్వరు	॥ఈ సురలీ॥
వొక్కరూపై నీవు వుండుచుండఁగ మరి తక్కిన యీ రూపములు తా మెవ్వరు యిక్కడనక్కడ నీవు యిటు ఆత్మలలోనుండ మక్కువ నుండువారు మరి యెవ్వరు	॥ఈ సురలీ॥
శ్రీవేంకటాద్రిపై చెలఁగి నీవుండఁగా దైవంబులనువారు తా మెవ్వరు కావలిసినచోట కలిగి నీ వుండఁగ యీ విశ్వపరిపూర్ణు లిది యెవ్వరు	॥ఈ సురలీ॥

^[1] ‘యీసకళ’ అని రేకు.