ఆంధ్రభారతి - తాళ్లపాక అన్నమాచార్య కీర్తనలు - వీదిలోన నదేకదే విష్ణుపదము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 183-4
సంపుటము: 2-418

తాళ్లపాక అన్నమాచార్య

రాగము: లలిత

వీదిలోన నదేకదే విష్ణుపదము ఆ దెసనే పాయకుండు నాదిమూలము	॥పల్లవి॥
చూచేటి చూపులకును సూటియైన మొదలేదో యేచి వినుకలిమర్మ మెందు దాఁకీనో వాచవిచవులు చూచే వంటశాల చోటేదో ఆచాయనే వుండు నాదిమూలము	॥వీది॥
పూఁప తలపోఁతలకు పుట్టినయి ల్లది యేదో పైపై నూర్పులు నిలువఁగఁ జోటేదో మాపులు నిద్రించువేళ మరచేటి చోటేదో ఆపొరుగుననే వుండు నాదిమూలము	॥వీది॥
నేరిచిన విద్యలెల్లా నించి దాఁచేచోటేదో కోరని యానందముకొన యేదో ఆరయ శ్రీవేంకటేశుఁ డాడనే పాయక వుండు ఆరితేరి నాతఁడీతఁ డాదిమూలము	॥వీది॥