ఆంధ్రభారతి - తాళ్లపాక అన్నమాచార్య కీర్తనలు - హరి సేవొకటే యనంతము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 183-6
సంపుటము: 2-420

తాళ్లపాక అన్నమాచార్య

రాగము: భవుళి

హరి సేవొకటే యనంతము గురుబోధలకును కొలఁదే లేదు	॥పల్లవి॥
తలఁచిన కొలఁదే తనలో భావము నిలిపిన కొలఁదే నేమము పలికిన కొలఁదే పరమగు సత్యము యిల నెవ్వరికిని యెక్కుడు లేదు	॥హరి॥
జరిపిన కొలఁదే సకలాచారము నెరపిన కొలఁదే నిజకీర్తి తిరము సేయుకొలఁదే ధర్మంబును యిరవుగ నందుకు నెక్కుడు లేదు	॥హరి॥
సేసినకొలఁదే చేకొను కర్మము రోసిన కొలఁదే రుచివిరతి ఆసల శ్రీవేంకటాధిపు శరణను దాసుడే యెక్కుడు తప్పే లేదు	॥హరి॥