ఆంధ్రభారతి - తాళ్లపాక అన్నమాచార్య కీర్తనలు - నారాయణాచ్యుతానంత గోవింద హరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 184-3
సంపుటము: 2-423

తాళ్లపాక అన్నమాచార్య

రాగము: సామంతం

నారాయణాచ్యుతానంత గోవింద హరి సారముగ నీకు నే శరణంటినే	॥పల్లవి॥
చలవయును వేఁడియును సటలసంసారంబు తొలఁకు సుఖ మొకవేళ దుఃఖ మొకవేళ ఫలము లివె యీరెండుఁ బాపములు పుణ్యములు పులుసుఁ దీపునుఁ గలపి భుజియించినట్లు	॥నారా॥
పగలురాత్రులరీతి బహుజన్మమరణాలు తగుమేను పొడచూపు తనుఁ దానె తొలఁగు నగియించు నొకవేళ నలఁగించు నొకవేళ వొగరుఁ గారపువిడె ముబ్బించినట్లు	॥నారా॥
ఇహముఁ బరమునువలెనె యెదిటికల్లయు నిజము విహరించు భ్రాంతియును విభ్రాంతియును మతిని సహజ శ్రీవేంకటేశ్వర నన్నుఁ గరుణించి బహువిధంబుల నన్నుఁ బాలించవే	॥నారా॥