ఆంధ్రభారతి - తాళ్లపాక అన్నమాచార్య కీర్తనలు - కానవచ్చె నిందులోన కారుణ్యనరసింహా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 188-6
సంపుటము: 2-449

తాళ్లపాక అన్నమాచార్య

రాగము: శంకరాభరణం

కానవచ్చె నిందులోన కారుణ్యనరసింహా తానకమై నీకంటే దాస్యమే పో ఘనము	॥పల్లవి॥
యెనసి ప్రహ్లాదుఁడు యెక్కడఁ జూపునోయని ననిచి లోకమెల్ల నరసింహగర్భములై పనివూని వుంటి వటు భక్తపరతంత్రుఁడవై తనిసి నీ వధికమో దాసులే యధికమో	॥కాన॥
మక్కువ బ్రహ్మాదులు మానుపరాని కోపము ఇక్కువై ప్రహ్లాదుఁడు యెదుట నిలిచితేను తక్కక మానితి వట్టే దాసుని యాధీనమై నిక్కి నీకింకరుఁడే నీకంటే బలువుఁడు	॥కాన॥
ఆరసి కమ్మర ప్రహ్లాదవరదుఁడని పేరువెట్టుకొంటి విట్టే బెరసి శ్రీవేంకటేశ సారె నీశరణాగతిజనుని కాధీనమైతి- వీరీతి నీదాసునికే యిదివో మొక్కేము	॥కాన॥