ఆంధ్రభారతి - తాళ్లపాక అన్నమాచార్య కీర్తనలు - అటుగాన మోసపోక హరి నీకే అన్నియును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 189-1
సంపుటము: 2-450

తాళ్లపాక అన్నమాచార్య

రాగము: ధన్నాసి

అటుగాన మోసపోక హరి నీకే అన్నియును ఘటియించుటే యెక్కుడు కమలారమణ	॥పల్లవి॥
నిన్నుఁజూడని కన్నులు నీచువలకన్నులు చిన్ని నీకథవినని చెవులు రాట్నపుఁ జెవులు వున్నతి నీకడకు రాకున్న కాళ్లు మరగాళ్లు సన్నుతిసేయని జిహ్వ హరి నుపజిహ్వ	॥అటు॥
చేరి నిన్నుఁ బూజించని చేయి దంతెనపుఁజేయి తారి నీకు మొక్కనట్టి తలయే పెడతల సారె నీముద్రలేని భుజములు బుద్బుజములు తేరి నీదాస్యములేని దేహము సందేహము	॥అటు॥
వనమాలలున్న గ్రీవము కంబుగ్రీవము ఘన మిది దెలియుటే కైవల్యము యెనయ శ్రీవేంకటేశ ఇటు నన్ను నేలితివి అనుమానమెల్లఁ బాసె నన్నిటా నాకును	॥అటు॥