ఆంధ్రభారతి - తాళ్లపాక అన్నమాచార్య కీర్తనలు - అందుకుఁగాదు నేఁ గొల్చు టామీఁది పని కింతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 189-2
సంపుటము: 2-451

తాళ్లపాక అన్నమాచార్య

రాగము: సామంతం

అందుకుఁగాదు నేఁ గొల్చు టామీఁది పని కింతే ఇందునందు నీవే కర్త విందిరారమణ	॥పల్లవి॥
ఇంచుకంత వేలఁ గొండ యెత్తిన దేవుఁడవు ముంచి నాసంసారభారము మోవలేవా అంచల దేవతలకు నమృతమిచ్చిన నీవు కంచాన నన్నమువెట్టి కాచుట నన్నెంత	॥అందు॥
వడి ద్రౌపది కక్షయ వలువలిచ్చిన నీవు బెడఁగు నాకుఁ గట్ని(ట్టని?) చ్చి పెంచుటెంత జడసి యింద్రాదులకు సంపదిచ్చినట్టి నీవు కడు నాకు నైహికభోగము లిచ్చు టెంత	॥అందు॥
పొసఁగ లోకములెల్లఁ బూర్ణుఁడవైన నీవు వుసురై నాలోన (నే?) నీవు వుండుటెంత వసుధ శ్రీవేంకటేశ వరములిచ్చే నీకు దెస నాకోరికెలెల్లాఁ దీర్చుటెంత	॥అందు॥