ఆంధ్రభారతి - తాళ్లపాక అన్నమాచార్య కీర్తనలు - ఎవ్వరెవ్వరివాడొ యీ జీవుఁడు చూడ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 16-3
సంపుటము: 1-97

తాళ్లపాక అన్నమాచార్య

రాగము: నాట

ఎవ్వరెవ్వరివాడొ యీ జీవుఁడు చూడ- నెవ్వరికి నేమౌనొ యీ జీవుఁడు	॥ఎవ్వరె॥
ఎందరికిఁ గొడుకుగాఁ డీజీవుఁడు వెనక కెందరికిఁ దోఁబుట్టఁ డీజీవుఁడు యెందరిని భ్రమయించఁ డీజీవుఁడు దుఃఖ- మెందరికిఁ గావింపఁ డీజీవుఁడు	॥ఎవ్వరె॥
యెక్కడె ^[1]క్కడఁ దిరుగఁ డీజీవుఁడు వెనక- కెక్కడో తనజన్మ మీజీవుఁడు యెక్కడి చుట్టము దనకు నీ జీవుఁడు యెప్పు- డెక్కడికి నేఁగునో యీ జీవుఁడు	॥ఎవ్వరె॥
ఎన్నఁడును జేటులే నీజీవుఁడు వెనక- కెన్ని దనువులు మోవఁ డీజీవుఁడు యెన్నఁగల తిరువేంకటేశు మాయలఁ దగిలి యెన్ని పదవులఁ బొందఁ డీజీవుడు	॥ఎవ్వరె॥

^[1] ‘క్కడదిరు’ రేకు.