ఆంధ్రభారతి - తాళ్లపాక అన్నమాచార్య కీర్తనలు - ఇంతటా హరినేకాని యెందునను గాన నన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 191-2
సంపుటము: 2-463

తాళ్లపాక అన్నమాచార్య

రాగము: శ్రీరాగం

ఇంతటా హరినేకాని యెందునను గాన నన్ను కొంత నాకుఁ దెలుపరో గురువులాల	॥పల్లవి॥
తనువూ హరియే తలఁపూ హరియే వినికి మనికియును విష్ణుఁడే కనుఁగొను చూపులు కమలనాభుఁడే యెనసి జీవునిశక్తి యేడనేడ నున్నదో	॥ఇంత॥
లోకమెల్ల మాధవుఁడే లోనెల్లఁ గేశవుఁడే వాకును కర్మము శ్రీవైకుంఠుఁడే చేకొని చైతన్యమెల్ల శ్రీనారాయణుఁడే యీకడ నే ననువాఁడ నేడ నుండువాఁడనో	॥ఇంత॥
వెనకను కృష్ణుఁడే వెస ముం దచ్యుతుఁడే కొనమొదలు నడుము గోవిందుఁడే యెనయఁగ శ్రీవేంకటేశుమయ మింతాను అనుగు నాస్వతంత్ర మది యేడనున్నదో	॥ఇంత॥