అధ్యాత్మ సంకీర్తన
రేకు: 191-4
సంపుటము: 2-465
రేకు: 191-4
సంపుటము: 2-465
తాళ్లపాక అన్నమాచార్య
రాగము: బౌళి
| ఎఱుఁగుటకంటే నెఱఁగమే మేలు మఱి తెలివికంటే మఱుపే శుభము | ॥పల్లవి॥ |
| లంపటా లెఱఁగము లవలవ లెఱఁగము పంపుల బాల్యమే పరిణామము యింపులు నెఱఁగము యెగ్గులు నెఱఁగము జంపుల నిదురే సకలసౌఖ్యము | ॥ఎఱుఁ॥ |
| ఆస లివెఱఁగము అలమట లెఱఁగము మూసిన గర్భమే మును సుఖము వాసులు నెఱఁగము వంతులు నెఱఁగము వేసట పుట్టని విధమే సుఖము | ॥ఎఱుఁ॥ |
| పాపము లెఱఁగము బంధము లెఱఁగము శ్రీపతి దాస్యమే శేఖరము యేపున శ్రీవేంకటేశ్వరు శరణమే తీపులు మఱపేటి దివ్యానందము | ॥ఎఱుఁ॥ |