ఆంధ్రభారతి - తాళ్లపాక అన్నమాచార్య కీర్తనలు - కలిగె నిదె నాకు కైవల్యము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 191-5
సంపుటము: 2-466

తాళ్లపాక అన్నమాచార్య

రాగము: లలిత

కలిగె నిదె నాకు కైవల్యము తొలుత నెవ్వరికి దొరకనిది	॥పల్లవి॥
జయ పురుషోత్తమ జయ పీతాంబర జయ జయ కరుణాజలనిధి దయ యెఱంగ నే ధర్మము నెఱంగ నా- క్రియ యిది నీ దివ్యకీర్తనమే	॥కలి॥
శరణము గోవింద శరణము కేశవ శరణు శరణు శ్రీజనార్దన పరమ మెఱంగను భక్తి యెఱఁగను నిరతము నాగతి నీ దాస్యమే	॥కలి॥
నమో నారాయణ నమో లక్ష్మీపతి నమో పుండరీకనయనా అమిత శ్రీవేంకటాధిప యిదె నా క్రమమెల్లను నీకయింకర్యమే	॥కలి॥