ఆంధ్రభారతి - తాళ్లపాక అన్నమాచార్య కీర్తనలు - నానాభక్తులివి నరుల మార్గములు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 192-2
సంపుటము: 2-469

తాళ్లపాక అన్నమాచార్య

రాగము: సాళంగం

నానాభక్తులివి నరుల మార్గములు యే నెపాననైనా నాతఁ డియ్యకొను భక్తి	॥పల్లవి॥
హరిఁకిఁగా వాదించు టది ఉన్మాదభక్తి పరులఁ గొలువకుంటే పతివ్రతాభక్తి అరసి యాత్మఁ గనుటదియే విజ్ఞానభక్తి అరమరచి చొక్కుటే ఆనందభక్తి	॥నానా॥
అతిసాహసాలపూజ అది రాక్షసభక్తి ఆతని దాసుల సేవే అదియే తురీయభక్తి క్షితి నొకపని గోరి చేసుటే తామసభక్తి అతఁడే గతని వుండుటది వైరాగ్యభక్తి	॥నానా॥
అట్టె స్వతంత్రుఁడౌటే అది రాజసభక్తి నెట్టన శరణనుటే నిర్మలభక్తి గట్టిగా శ్రీవేంకటేశు కైంకర్యమే సేసి తట్టుముట్టులేనిదే తగ నిజభక్తి	॥నానా॥