ఆంధ్రభారతి - తాళ్లపాక అన్నమాచార్య కీర్తనలు - కంటిరా వింటిరా కమలనాభుని శక్తి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 192-3
సంపుటము: 2-470

తాళ్లపాక అన్నమాచార్య

రాగము: సాళంగనాట

కంటిరా వింటిరా కమలనాభుని శక్తి వొంటి నితని శరణ మొకటే వుపాయము	॥పల్లవి॥
యీతని నాభిఁ బొడమె యెక్కువైన బ్రహ్మయు యీతఁడే రక్షించినాఁడు యింద్రాదుల యీతఁడాకుమీఁదఁ దేలె నేకార్ణవమునాఁడు యీతఁడే పో హరి మనకిందరికి దైవము	॥కంటి॥
యీతఁడే యసురబాధ లిన్నియుఁ బరిహరించె- నీతని మూఁడడుగులే యీ లోకాలు యీతఁడే మూలమంటే నేతెంచి కరిఁ గాచె నీతనికంటే వేల్పు లిఁక మరి కలరా	॥కంటి॥
యీతఁడే వైకుంఠనాథుఁ దీతఁడే రమానాథుఁ- డీతఁడే వేదోక్తదైవ మిన్నిటాఁ దానె యీతఁడే అంతర్యామి యీ చరాచరములకు నీతఁడే శ్రీవేంకటేశుఁ డిహపరధనము	॥కంటి॥