ఆంధ్రభారతి - తాళ్లపాక అన్నమాచార్య కీర్తనలు - సింగారమూరితివి చిత్తజగురుడఁవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 192-4
సంపుటము: 2-471

తాళ్లపాక అన్నమాచార్య

రాగము: సామంతం

సింగారమూరితివి చిత్తజగురుడఁవు సంగతిఁ జూచేరు మిమ్ము సాసముఖా	॥పల్లవి॥
పూవులతెప్పలమీఁద పొలఁతులు నీవు నెక్కి పూవులాకసము మోవఁ బూచి చల్లుచు దేవదుందుభులు మ్రోయ దేవతలు గొలువఁగా సావధానమగు నీకు సాసముఖా	॥సింగా॥
అంగరంగవైభవాల నమరకామినులాడ నింగినుండి దేవతలు నిన్నుఁ జూడఁగా సంగీతతాళవాద్య చతురతలు మెరయ సంగడిఁ దేలేటి మీకు సాసముఖా	॥సింగా॥
పరగఁ గోనేటిలోన పసిడి మేడనుండి అరిది నిందిరయు నీవారగించి గరిమ శ్రీవేంకటేశ కనులపండువ గాఁగ సరవి నోలాడు మీకు సాసముఖా	॥సింగా॥