ఆంధ్రభారతి - తాళ్లపాక అన్నమాచార్య కీర్తనలు - పట్టలేని మన భ్రమగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 192-5
సంపుటము: 2-472

తాళ్లపాక అన్నమాచార్య

రాగము: శంకరాభరణం

పట్టలేని మన భ్రమగాక నెట్టనఁ దాఁ గరుణించనివాఁడా	॥పల్లవి॥
హితప్రవర్తకుఁ డీశ్వరుఁడు తతి నంతరాత్మ తాఁ గాన రతి నాతని దూరఁగనేలా గతియని తలఁచిన కావనివాఁడా	॥పట్ట॥
తెగని బంధువుఁడు దేవుఁడు బగివాయఁ డిహముఁ బరమునను అగపడి సందేహములేలా తగ నమ్మిన దయదలఁచనివాఁడా	॥పట్ట॥
హృదయము శ్రీవేంకటేశ్వరుఁడు మెదలనే ఆనందమూర్తిగన కదిసి వెలిని వెదకఁగనేలా యెదురఁ గనిన వరమియ్యనివాఁడా	॥పట్ట॥