ఆంధ్రభారతి - తాళ్లపాక అన్నమాచార్య కీర్తనలు - తానే తెలియుఁ గాక తలఁచఁగ నెట్టువచ్చు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 192-6
సంపుటము: 2-473

తాళ్లపాక అన్నమాచార్య

రాగము: గుండక్రియ

తానే తెలియుఁ గాక తలఁచఁగ నెట్టువచ్చు నానాగతుల తన నాటకపుమాయ	॥పల్లవి॥
అట్టె యేఁబదియైన యక్షరాలలోనట తిట్టులట వొకకొన్ని దీవెనలటా మట్టుతో వేదములట మంత్రములట కొన్ని యిట్టివి చిక్కులు భూమి నిఁకనెన్ని గలవో	॥తానే॥
కదిసిన యఱువదిగడియలలోనట పొదలు నడకలట భోగములటా నిదురట వొకకొంత నేరుపులు కొన్నియట యెదుట చూడఁగఁ జూడ నిఁక నెన్ని గలవో	॥తానే॥
రేవగలు కన్నులివి రెంటిలోనేయట దైవము జీవులలోనే తానకమట శ్రీవేంకటాద్రిమీఁద జెలఁగి యా(గెనా?)తఁడే యట యేవంక నీచేఁతలు యిఁక నెన్నిగలవో	॥తానే॥