ఆంధ్రభారతి - తాళ్లపాక అన్నమాచార్య కీర్తనలు - ఇంతటఁ బో కానవచ్చు నెక్కువ తక్కువలెల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 193-1
సంపుటము: 2-474

తాళ్లపాక అన్నమాచార్య

రాగము: దేసాళం

ఇంతటఁ బో కానవచ్చు నెక్కువ తక్కువలెల్ల దొంతి ఇంద్రియాలకెల్లఁ దొలఁగి వుంటేను	॥పల్లవి॥
మాటలాడవచ్చుఁ గాని మనసులు పట్టరాదు చాటువకెక్కినయట్టి సతులఁ గంటే కోటి చదువఁగవచ్చు కోపము నిలుపరాదు జూటరై వొకఁడు దన్ను సోఁకనాడితేను	॥ఇంత॥
అందరి దూషించవచ్చు నాసలు మానఁగరాదు కందువైన మించుల బంగారు గంటే అందాల మొక్కఁగవచ్చు హరిభక్తి సేయరాదు పొందుల సంసారపు భోగము గంటేను	॥ఇంత॥
మొదలఁ బుట్టగవచ్చు మోక్షముఁ బొందఁగరాదు పొదిగి పుణ్యరాసుల భోగము గంటే యెదుట శ్రీవేంకటేశ ఇదివో నీశరణంటే కదిసితి నిట్టే పో నీకరుణ గంటేను	॥ఇంత॥