ఆంధ్రభారతి - తాళ్లపాక అన్నమాచార్య కీర్తనలు - అంతర్యామీ అలసితి సొలసితి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 193-2
సంపుటము: 2-475

తాళ్లపాక అన్నమాచార్య

రాగము: లలిత

అంతర్యామీ అలసితి సొలసితి ఇంతట నీ శరణిదే చొచ్చితిని	॥పల్లవి॥
కోరిన కోర్కులు కోయని కట్లు తీరవు నీవవి తెంచకా భారపుఁ బగ్గాలు పాపపుణ్యములు నేరుపులఁ బోవు నీవు వద్దనకా	॥అంత॥
జనుల సంగములఁ జక్కరోగములు విను విడువవు నీవు విడిపించకా వినయపు దైన్యము విడువని కర్మము చనదిది నీవిటు సంతపరచకా	॥అంత॥
మదిలో చింతలు మయిలలు మణుఁగులు వదలవు నీవని వద్దనకా యెదుటనేఁ శ్రీవేంకటేశ్వర నీవదె అదనఁ గాచితివి అట్టిట్టనకా	॥అంత॥