ఆంధ్రభారతి - తాళ్లపాక అన్నమాచార్య కీర్తనలు - మగఁడు విడిచినా మామ విడువనియట్టు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 193-3
సంపుటము: 2-476

తాళ్లపాక అన్నమాచార్య

రాగము: మలహరి

మగఁడు విడిచినా మామ విడువనియట్టు నెగడిన వేమిసేయు నేనే రోయఁ గాని	॥పల్లవి॥
నరకము నను రోసి సురలోకాన విడిచె నిరయముతోవ రోసి నేనే విడువఁ గాని పరగి యోనులు రోసి బట్టబాయిట వేసే సొరిది యోనుల రోసి చొరక నే మానఁ గాని	॥మగఁ॥
పాపము రోసి నన్ను ప్రపంచాన విడిచె పాపము సేయక రోసి పట్టకుండఁ గాని నేను యేపున దేహము రోసి యింద్రలోకాన విడిచె కైపువేసి రోయక నేఁగాయము మోచితిఁ గాని	॥మగఁ॥
మాయలెల్ల నన్ను రోసి మనసులోన విడిచె మాయల నే విడువక మగుడఁ దగిలేఁ గాని నాయల(?) నేమి విడిచినాను శ్రీవేంకటేశ పాయక నన్నేలితి నీభాగ్యము విడువఁ గాని	॥మగఁ॥