ఆంధ్రభారతి - తాళ్లపాక అన్నమాచార్య కీర్తనలు - ఒక్కమనసున నే నుండేఁగాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 193-4
సంపుటము: 2-477

తాళ్లపాక అన్నమాచార్య

రాగము: ధన్నాసి

ఒక్కమనసున నే నుండేఁగాక యెక్కడిపనులు దానే యెఱఁగఁడా	॥పల్లవి॥
బలుదేహ మిచ్చువాఁడు ప్రాణము వోసినవాఁడు తలఁపొసగినవాఁడు దైవమేకాఁడా వెలుపలి లంపటాలు వేవేలు గడించి తాను మలసి ఇంతలో నన్ను మఱచీనా	॥ఒక్క॥
జగము లేలేటివాఁడు సంసారిఁ జేసినవాఁడు తగులై యుండినవాఁడు తానేకాఁడా బెగడకుండ దినాలు పెరుగఁజేసేటివాఁడు తగినట్టు నడపించఁ దా నేరఁడా	॥ఒక్క॥
మొదలై యుండేటివాఁడు ముందరఁ దుదయ్యేవాఁడు యెదలోవాఁడు శ్రీవేంకటేశుఁడే కాఁడా చదివించి బుద్ధులిచ్చి చైతన్యమైనవాఁడు పొదిగి నాదాపుదండై భోగించఁడా	॥ఒక్క॥