ఆంధ్రభారతి - తాళ్లపాక అన్నమాచార్య కీర్తనలు - హితవే సేసుఁ గాకాతఁడేల మానును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 193-6
సంపుటము: 2-479

తాళ్లపాక అన్నమాచార్య

రాగము: బౌళి

హితవే సేసుఁ గాకాతఁడేల మానును మితి నాతని దూరక మెచ్చవలెఁ గాక	॥పల్లవి॥
ఆగమభోగములకు హరి నాలో నున్నవాఁడు చేగదేర నాకు మేలే చింతించుఁ గాక సాగిన ప్రపంచములో సంసారిఁ జేసినవాఁడు యే గతి రక్షించఁ దానే ఇన్నిటికౌఁ గాక	॥హిత॥
భూమిమీఁద దేహమిచ్చి పుట్టించినట్టివాఁడు ప్రేమతో నన్నపానాలు పెట్టుఁ గాక ఆమని పంచేంద్రియాల నటు పెడరేఁచేవాఁడు నేమపు బుత్రదారలై నిండుకుండు గాక	॥హిత॥
ఇహపరములకుఁ దా నిరవైనట్టివాఁడు సహజాన నన్నియును జరపుఁ గాక వహి శ్రీవేంకటాద్రిపై వరములిచ్చేటివాఁడు మహిమతో మమ్మునేలి మన్నించుఁ గాక	॥హిత॥