ఆంధ్రభారతి - తాళ్లపాక అన్నమాచార్య కీర్తనలు - ఎవ్వరి నేమనఁగల నెంతబలువుఁడ నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 194-1
సంపుటము: 2-480

తాళ్లపాక అన్నమాచార్య

రాగము: కన్నడగౌళ

ఎవ్వరి నేమనఁగల నెంతబలువుఁడ నేను నవ్వుచు నీవే యిఁక నన్ను మన్నించవయ్యా	॥పల్లవి॥
కామక్రోధములకు కాణాచికాఁపను ఆమని యింద్రియముల కడిబంటను దీమనపు టాసలకు తీరని లగ్గస్థుఁడను (?) యీ మరఁగువాఁడ నిన్ను నెట్టు గొలిచేనయ్యా	॥ఎవ్వ॥
పాయని సంసారానకు బడివనివాఁడను కాయపుభోగాల వూడిగపువాఁడను పాయపు మదములకు పంగెమైనవాఁడను (?) యీయెడ నీవాఁడ నని యెట్టు గొలిచేనయ్యా	॥ఎవ్వ॥
సరిఁ గర్మములకెల్ల చనవరి బొడుకను పొరలే జన్మముల యప్పులవాఁడను అరయ శ్రీవేంకటేశ అంతలో నన్నేలితివి యిరవై ఇట్టుండకున్న నెట్టు గొలిచేనయ్యా	॥ఎవ్వ॥