ఆంధ్రభారతి - తాళ్లపాక అన్నమాచార్య కీర్తనలు - ఎఱుఁగువా రెఱుఁగుదు రీయర్థము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 194-2
సంపుటము: 2-481

తాళ్లపాక అన్నమాచార్య

రాగము: దేసాక్షి

ఎఱుఁగువా రెఱుఁగుదు రీయర్థము యెఱఁగనివారి కిది యెఱఁగనియ్యదు	॥పల్లవి॥
మొదలఁ గలుగువాఁడే ముందరనుఁ గలవాఁడు అదన నాతఁడే పరమాత్ముఁడు యెదుటఁ గలిగినదే ఇన్నిటాఁ గలిగినది పదపడి యిదియే ప్రపంచము	॥ఎఱుఁ॥
చెడనిదానికి మరి చేటెన్నఁడును లేదు జడిగొన్న దిదియే సుజ్ఞానమార్గము వుడివోఁ గల దెన్నఁడు వుడివోఁ గలిగినదీ కడగడనే తిరుగు కర్మమార్గము	॥ఎఱుఁ॥
యెంచి తొల్లి నడిచేవే ఇపుడును నడచేవి మంచి శ్రీవేంకటేశ్వరు మహిమ లివి అంచ నిపుడు గానని వల్లనాఁడుఁ గాననివే మంచువంటి విషయపు మాయావాదములు	॥ఎఱుఁ॥