ఆంధ్రభారతి - తాళ్లపాక అన్నమాచార్య కీర్తనలు - కేశవదాసినైతి గెలిచితి నన్నిటాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 194-3
సంపుటము: 2-482

తాళ్లపాక అన్నమాచార్య

రాగము: లలిత

కేశవదాసినైతి గెలిచితి నన్నిటాను యీ శరీరపు నేరా లిఁకనేలా వెదక	॥పల్లవి॥
నిచ్చలుఁ గోరికలియ్య నీనామమే చాలు తెచ్చి పునీతుఁ జేయ నీతీర్థమే చాలు పచ్చిపాపా లణఁచ నీప్రసాదమే చాలు యెచ్చుకొందు వుపాయాలు ఇఁకనేల వెదక	॥కేశ॥
ఘనునిఁ జేయఁగను నీకైంకర్యమే చాలు మొనసి రక్షించను నీముద్రలే చాలు మనిపి కావఁగఁ దిరుమణిలాంఛనమే చాలు యెనసెను దిక్కుదెస ఇఁకనేల వెదక	॥కేశ॥
నెలవైన సుఖమియ్య నీధ్యానమే చాలు అల దాపుదండకు నీయర్చనే చాలు యిలపై శ్రీవేంకటేశ యిన్నిటా మాకుఁ గలవు యెలమి నితరములు యిఁకనేల వెదక	॥కేశ॥