ఆంధ్రభారతి - తాళ్లపాక అన్నమాచార్య కీర్తనలు - కైవల్యమునకంటే కైంకర్య మెక్కుడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 194-4
సంపుటము: 2-483

తాళ్లపాక అన్నమాచార్య

రాగము: దేసాళం

కైవల్యమునకంటే కైంకర్య మెక్కుడు శ్రీవిభుఁడ నీవు మాకుఁ జిక్కే మర్మ మిదివో	॥పల్లవి॥
చేపట్టి నీశిరసు పూజించే అహమికకంటే నీపాదాలు పూజించే నేను మొక్కుడు మాపుదాఁకా నినుఁగొల్చి మందెమేళమౌకంటే దాపగు నీదాసుల శేషత్వ మెక్కుడు	॥కైవ॥
హరి నీపస్రాదజీవినై గర్వించుటకంటే నరయ నీదాసులలెంకౌ టెక్కుడు వెరవున నీచెవిలో విన్నపాలు సేయుకంటే ధర నీవూడిగకాండ్లఁ దలఁపించు టెక్కుడు	॥కైవ॥
జట్టి మిమ్ము ధ్యానించి సాయుజ్య మందుటకంటే అట్టె నీనామఫలమందు టెక్కుడు ఇట్టె శ్రీవేంకటేశ యేలితి విందువంకనే తిట్టపు మాగురు నుపదేశ మెక్కుడు	॥కైవ॥