ఆంధ్రభారతి - తాళ్లపాక అన్నమాచార్య కీర్తనలు - అదె శిరశ్చక్రము లేనట్టి దేవర లేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 194-6
సంపుటము: 2-485

తాళ్లపాక అన్నమాచార్య

రాగము: రామక్రియ

అదె శిరశ్చక్రము లేనట్టి దేవర లేదు యిదె హరిముద్రాంకిత మిందే తెలియరో	॥పల్లవి॥
ఆనాయుధో సో అసురా అదేవా యని వినోదముగ ఋగ్వేదము దెలిపెడి సనాతనము విష్ణుచక్రధారణకును అనాది ప్రమాణ మందే తెలియరో	॥అదె॥
యెచ్చ యింద్రే యని "యచ్చ సూర్యే" యని అచ్చుగ తుద కెక్కె(క్క?) నదే పొగడీ శ్రుతి ముచ్చట గోవిందుని ముద్రాధారణకు అచ్చమయిన ప్రమాణ మందే తెలియరో	॥అదె॥
మును "నేమినా తప్తముద్రాం ధారయే" త్తని వెనువెంట శ్రుతి యదె వెల్లవిరి సేసీని మొనసి శ్రీవేంకటేశు ముద్రాధారణకు అనువుగఁ బ్రమాణ మందే తెలియరో	॥అదె॥