 |
    |
    |
 |
    |
    |
 |
| కీర్తనలు | తూము నరసింహదాసు | ఎందుకే యీవట్టి బాధలు - నీకెందుకే ఎందుకే బాధలఁ |
| యదుకులకాంభోజి - ఆది |
| పల్లవి: |
| ఎందుకే యీవట్టి బాధలు - నీకెందుకే ఎందుకే బాధలఁ జెందుచు నుండెద వందముగా ముచి - కుందవరద యన |
| చరణము(లు): |
| సందడిఁబడి భయ మందుచు నుండెద వందముగా రఘునందను పదయుగ - మందునఁగల మకరందముఁ గ్రోలక పందివలెను మదమంది తిరిగెద |
| ఇంద్రియములచేఁ - సందడి బడుచును - నిందు సుఖము లే దని మును వినుచును ముందు జరుగువారలఁ దా గనుచును పొందుగ హరి గోవింద యనవు నీ |
| కామాదులచేఁ గట్టువడుచు భువిఁ బామరజనముల వేమరు వేడుచు - నేమము చెడి యముని - పురికి నేగుచు రామ రామ శ్రీరామాయనవిక |
| చేరువయై మృత్యువు గనుపట్టగ దారా - పుత్రులు తమగతి కేడ్వఁగ - మీరి శ్వాస కుత్తుక కెగఁదట్టగ - నారాయణ నారాయణ యనవిక |
| వేరెవ్వరు దిక్కిఁక నీకును గల - వార మనుచు గర్వింపగ బోకనుఁ జేరి తూము నరసింహునిఁ గూడియు - దారిఁ దెలిసి శ్రీహరి హరి యనవిక |