కీర్తనలు తూము నరసింహదాసు చూడ వేడుకాయెనే సుందరాకారుని ముద్దుమోము
ఆనందభైరవి - చాపు
పల్లవి:
చూడ వేడుకాయెనే సుందరాకారుని ముద్దుమోము
చరణము(లు):
చూడ వేడుకాయె భక్తి - తోడ సీతాకాంతు సన్నిధి
గూడి వేడుకపాటలు - బాడి యాడి కన్నులనిండ
చందురు గేరుమోమున - మందహాసముతోడ దాసుల
నందరిం బ్రోవదలచు గో - విందు సుందరమిందుఁ గన్నుల
తేటకస్తూరి తిలకము ల - లాటమందు మెఱయుభక్త
కోటి బ్రోచు శ్రీభద్ర - కుధరనిలయుని గన్నులనిండ
వాసి మిగుల భద్రశైల - వాసుఁ డెప్పుడు నారసింహ
దాస హృదయ కమలమున ని - వాసుఁడైన సొంపు గన్నుల
AndhraBharati AMdhra bhArati - tUmu narasiMhadAsu kIrtanalu - chuuDa veeDukaayenee suMdaraakaaruni muddumoomu - Tumu Narasimhadasu - Tumu Narasimha Dasu ( telugu andhra )