ఆంధ్రభారతి - తూము నరసింహదాసు కీర్తనలు - దారిద్రుఁడని మా

శంకరాభరణము - చాపు

పల్లవి:

దారిద్రుఁడని మా - సదనమునకు రావేమో తగునా జగన్నాథా
భూయశుఁడవు నీవు - భూమిలోనను విషమ
బుద్ధి నీకు లేదు పుణ్యాత్ముడ వీవు

చరణము(లు):

సితదంతిపైని భా - సితకోటి సూర్యులగతి మించు తేజమున
అతులిత విభవములంది తిరువీథుల యందు
న్నతి వేంచేయు గోవింద పరాత్పర

కరదీపికలు వేయుఁ గర మర్థితో గాంతి ఘనతిమిరము బాపగా
సరసతతో దేవ సతులు నాట్యముచేయ -
పురజనులెల్ల భాసురముగ గొల్వగ

భేరి మృదంగ కాహళ రవములు మ్రోయఁ జారు వింజామరలు
మీరి వైషవు లేయ మెచ్చిన శ్రీరామ -
తారకనరసింహ దాసపోషక నేడు