ఆంధ్రభారతి - త్యాగరాజ కీర్తనలు - ఎవరి మాట విన్నావో రావొ యిందులేవో భళిభళి

కాంభోజి - ఆది

పల్లవి:

ఎవరి మాట విన్నావో రావొ యిందులేవో భళిభళి ॥ఎ॥

అను పల్లవి:

అవనిలో నార్షేయ పౌరుషేయమంది చోద్యమెఱుఁగ లేనయ్య ॥ఎ॥

చరణము(లు):

భక్తపరాధీనుఁడనుచుఁ బరమభాగవతుల
వ్యక్తరూపుఁడై పలికిన ముచ్చట యుక్తమనుచు నుంటి
శక్తిగల మహాదేవుఁడు నీవని సంతోషమున నుంటి
సత్త చిత్తుడగు త్యాగరాజనుత సత్యసంధుఁ డనుకొంటి నిలలో ॥ఎ॥