ఆంధ్రభారతి - త్యాగరాజ కీర్తనలు - చూతాము రారే సుదతులార రంగపతిని

ఆరభి - రూపక

పల్లవి:

చూతాము రారే సుదతులార రంగపతిని జూ..

అను పల్లవి:

సీతాపతి పూజ్యుఁడట శృంగార శేఖరుఁడట చూ..

చరణము(లు):

సరిగంచు శాలువట చౌకట్ల పోగులట
పరవంపుప్రాయమట పరమాత్ముడట రంగని చూ..

ముఖనిర్జిత చంద్రుఁడట ముద్దుమాటలాడునట
సుఖమొసంగి బ్రోచునట సుందరాంగుఁడట రంగని చూ..

ఆగమ సంచారుఁడట అఖిలజగత్పాలుడట
త్యాగరాజ సన్నుతుడఁట తరుణులార రంగ పతిని చూ..