 |
    |
    |
 |
    |
    |
 |
 |
కవితలు | రుధిరజ్యోతి శ్రీరంగం నారాయణబాబు |
గడ్డిపరక |  |
| గడ్డిపరక (నవశక్తి - 1941) |
|
నడవండి, నడవండి! నామీంచి నడవండి గడ్డిపరకను! గడ్డిపరకను! |
|
పూజా సమయాల పూవును దూర్వాంకురాన్ని అవసరం తీరాక అవతల కనబడితె చుల్కనగ చూచేటి గడ్డిపరకను! గడ్డిపరకను! నడవండి, నడవండి! నామీంచి నడవండి!! |
|
పల్లకీ దిగినట్టి పెళ్ళికొడుకులు మీరు పట్టుతివాసీని నేను నడవండి, నడవండి! నామీంచి నడవండి!! గడ్డిపరకను! గడ్డిపరకను! |
|
పశువుల నోటికి పాయసాన్ని మీ సుకుమార పాదాల మకరికను గడ్డిపరకను! గడ్డిపరకను! నడవండి, నడవండి! నామీంచి నడవండి!! |
|
మీపైడి పాదాల మృదు రజోలేశాలె నా హృత్‌కుశేయములో ఉల్కలా పాతాలు నడవండి, నడవండి! నామీంచి నడవండి!! గడ్డిపరకను! గడ్డిపరకను! |
|
మాతృవర్గంవాడు మా అన్న పన్నగమ్ముల రసనలుత్తరించిన మిన్న! నేటికి మీ పితృకార్యంనాడు పారణమీద మీ చేతిమీద మరకత అంగుళీకమ్ము! గతులు కల్పించేటి గడ్డిపరకలము నడవండి! నడవండి! |
|
మిన్ను విప్పిన రక్త పతాకం మన్ను సత్తువె తెలిపింది! ప్రాభాత పశ్చిమానిలము పాడినపాట కాకాసురుని కధ జ్ఞాపకం తెచ్చింది నన్ను నే తెలుసుకున్నాను! ఆగండి! ఆగండి!! |
|
 |
|