యెందుకు కాట్లాడతారు. నీశివుఁడూ నిజవేఁ. అడుగో ఆశీసాలో యెలుగుతున్నాడు. నీరాముడూ నిజవేఁ. అడుగో ఆశీసాలో యెలుగుతున్నాడు. వినలేదా తత్తం?

గాజుకుప్పెలోను గడగుచుదీపంబు ।
యెట్టులుండు గ్యానమట్టులుండు ।
తెలిశినట్టివారి ద్రేహంబులందును ।
యిశ్వదాభిరామ యినరవేమా ॥

"తాగి, తాగి, తాగి, ధరణిపైబడుదాక ।
తాగెనేని తన్ను, తాను తెలియు ॥
తాగలేనివాడె, తాగుబోతరయంగ ।
యిశ్వదాభిరామ యినరవేమ" ॥-

పింజర్మెరహకర్‌ ఛుప్‌నైరహ్న
క్యారేబుల్బుల్‌ కహొ ముల్కిసునా ॥క్యారె॥
యెక్కడికి వెళతావు? యేమి చెప్పవు, బోలో పింజర్మె ।

నాగా దిగురా । నాతండ్రి దిగురా ॥
దిగుదిగునాగన్న । దివ్యసుందరనాగ ।
ముదముతోరేపల్లె । ముద్దులనాగ ॥
ఊరికిఉత్తరాన । ఊడలమఱ్ఱికింద ।
కోమపుట్టలోని । కొడినాగన్నా ॥-