ఆ వేళఁద్రిజటాఖ్యుడను విప్రుఁడడరి
జీవనస్థితికి నై చేను దున్నుచును
ఘోరంపులేమిచేఁగుందుటఁజేసి
పేరాసఁ దత్సతి బిడ్డలఁగొంచు
నతిసంభ్రమంబున నచ్చోటి కరిగి
తతి గొని పనిసేయు తద్భర్తఁజూచి:
యేల యీ నాగేలు హృదయంబు చీఱ
నేల యీ గుద్దలి యిట పాఱవైచి
రమ్ము చెప్పెద నేఁడు రామచంద్రుండు
సమ్మదంబున నర్థిజనులకు నెల్లఁ
ద్రవ్వితండంబులు దయతోడ ధనము
నెవ్వ రేమడిగిన నిచ్చుచున్నాఁడు
నీ కుటుంబము సెప్పి నీ పేరు సెప్పి
కాకుత్థ్సపతిచేతఁ గామితార్థంబు
వేవేగ చని నీవు వేఁడుకొమ్మనిన
నా విప్రుకోర్కెలునం(విప్రుఁడునుకోర్కెలం) దందనిగుడఁ
జనుదెంచి యా రామచంద్రు నీక్షించి
తనరంగ దీవించి తా నిట్టులనియె
పేదవాఁడను సుతుల్‌ పెక్కండ్రు గలరు
లేదు ద్రవ్యంబును లేశమాత్రమును
నను నీవు రక్షింప నరనాథ!వలయు
ననిన నా రఘురాముఁడా విప్రుఁజూచి
యావులమంద లయ్యా..........
..........