 |
    |
    |
 |
    |
    |
 |
 |
ఇతిహాసములు | ఉత్తరరామాయణము | పంక్తిముఖుఁడు వీరహోమంబు సేయుట |  |
పంక్తిముఖుఁడు వీరహోమంబు సేయుట
| సీ. | అఖిలలోకాతీతమగు మహామహిమంబుఁ - బడయంగ నూహించి పంక్తిముఖుఁడు విధిదేవతాకమై విలసిల్లు మంత్రంబు - జపియించుచును నిరశనతఁ దాల్చి యొకకాలి పెనువ్రేలి నుర్విఁజక్కఁగ నిల్పి - సూర్యావలోకన ధుర్యుఁడగుచుఁ దన హృదయాకాశమునఁ బితామహునుంచి - ధ్యానించి వేయేడులైన వెనుక | |
| గీ. | నగ్రమున మండు నుగ్రతరాగ్నిలోన మునుకొని కరాసిఁ దలఁ ద్రుంచికొని సభక్తి కముగ బ్రహ్మార్పణంబగుఁగాక యంచు వీరహోమంబుఁ గావించె విస్మయముగ | 169 |
| మ. | వికటాచారుఁ డతండు నిశ్చలమతిన్ వేయేండ్ల కొక్కొక్క మ స్తకమున్ భేదమొనర్చి వేల్చు దమునస్సంభాసితార్చిం దదీ యకరోటిప్రతతుల్ పటిల్లుమని వ్రయ్యంబుట్టు ఘోషంబజాం డకటాహస్ఫుటనా ప్రచండతరమై నానాదిశల్ నిండఁగన్ | 170 |
| శా. | పౌలస్త్యార్పితకీకసాస్ర పల శుంభన్మస్తకప్లోషణ స్థూలాభీల కరాళపావక శిఖాస్తోమంబు ధూమంబుతోఁ బౌలోమీపతి ప్రోలుఁ జుట్టుకొనియెన్ భావిప్రవృద్ధాసురో ద్వేలాస్త్రార్చులు తద్బలంబు విటు లుద్దీపించు నన్ పోలికన్ | 171 |
| మ. | ఉరునిష్ఠోగ్రదశాస్య నిర్మిత శిరోహోమక్రియాదగ్ధమే దురమేదః పలాలాస్థి కైశిక మిళద్దుర్యాసనల్ భూనభోం తరముల్ నిండఁగ సైఁపనోప కిఁక నెన్నండిచ్చునో వీనికిన్ వర మబ్జాసనుఁ డంచు నెంచు వినుత్రోవం బోవు దేవౌఘముల్ | 172 |
| కం. | కైకసి సుతుఁ డిటువలె ని ర్వ్యాకులమతి దశసహస్రవర్షము లరుగన్ భీకరగతిఁ బదియవ తల వీఁకం దెగఁదోసి వహ్ని వేల్వం దలఁచెన్ | 173 |
| వ. | అప్పుడు | 174 |
| చం. | గగనముమ్రోసె వీచె సుడిగాలి సముద్రము లింకె మేరువున్ దిగఁబడె భూమి - చక్రముగతిం దిరిగెన్ రవి త్రోవఁ దప్పె న మ్మగలమగండు వీఁక దశమంబగు మస్తక ముత్తరించి వే ల్వఁగడఁగి హోమవహ్నిఁ జటులంబుగఁ బ్రజ్వరిలంగఁజేసినన్ | 175 |
| శా. | ఆ పౌలస్త్య వివర్ధమాన ఘనహోమాగ్నిజ్వలజ్జ్వాలికల్ పైపైఁ బ్రాఁకిన దిక్పతుల్ యతులు విభ్రాంతాత్ములై సర్వలో కాపూర్ణాధిపతిత్వసౌఖ్యనిధి బ్రహ్మం జేరి సేవించి స్వా మీ! పద్మాసన! యార్తులన్ మముఁ గృపాదృష్టిన్ విలోకింపవే! | 176 |
| మ. | దశకంఠాసురుఁ డగ్నిఁ దొమ్మిది తలల్ దావేల్చియున్ నేఁటిక ద్దశమంబైన శిరంబువేల్వఁ గడఁగం దద్ధోమధూమచ్ఛటల్ దశదిగ్భాగము లావరించె నిఁకఁ బ్రత్యక్షంబు గాకుండితే ని శిఖిజ్వాలలఁ గ్రాఁగు ముజ్జగములున్ నిక్కంబు వాణీశ్వరా! | 177 |
| ఉ. | ఒప్పిదమైన నీ కరుణ నున్నతుఁడై మఱి మీఁదుగా జగం బప్పిశితాశి యేఁచు, హవనానిల మిప్పుడె యేఁచఁబూనెడిన్, జెప్పెడిదేమి? యింక నెడసేసినఁ దప్పగు, మీఁది బాధకే మొప్పితి, ముగ్ర మవ్వికృతహోమము మాన్పఁగదయ్య చయ్యనన్ | 178 |
| వ. | అని భయోత్పాత విధూతచేతస్కులై చేతులు ముకుళించి ప్రార్థించు వేల్పుదొరల దరహాసవదనంబు దెరలం గనుంగొని మంచిదని సమ్మతించి, విరించి కాంచనమయకమలాసనంబు డిగ్గ నుఱికి యతి సత్వరంబుగ | 179 |
|
 |
|