 |
    |
    |
 |
    |
    |
 |
 |
ఇతిహాసములు | రంగనాథరామాయణము | యుద్ధకాండము |  |
ఖడ్గరోముఁ డాదిగా రాక్షసులు వానరవీరులతోఁ బోరి మడియుట
|
నప్పుడు హనుమంతుఁడసురేశుమీఁద నుప్పొంగి కవియు నుద్యోగంబు సూచి 2221యచలనిభాకారుఁడసమసాహసుఁడు రుచిరఖడ్గుడు ఖడ్గరోముండు గినిసి: “యందెందుఁగడఁగెద? వం దేల నీకు? నిందుర మ్మనిలజ! యే నున్నవాఁడ.” ననవుడుఁగుప్పించి యతనిపై కుఱికి తను రోమశితఖడ్గధారల మునిఁగి యొక భంగి వెడలి మహోగ్రుఁడై నిగుడి ప్రకటసత్త్వోన్నతిఁ బవమానసుతుఁడు కులశైలమును బోలుకొండఁజేఁబూని పెలుచ నార్చుచు వచ్చి పృథివి గంపింప వానిపై నురువడి వైచె; వైచుటయు దాని వాఁ డురురోమధారాభిహతిని ఖండించి ప్లవగుల ఖండించికొనుచు దండి నప్పవమానతనయుఁదాఁకుటయుఁ బావనియును మహాపర్వతంబెత్తి వేవేగ దానవవీరుపై వైవఁ గులిశధారాహతిఁగూలుశైలంబు పొలుపునఁగూలె నప్పుడు రక్కసుండు. సర్పరోముఁడు 2222తీవ్ర2223సర్పోగ్రుఁడగుచు దర్పించి కడఁకమైఁదాఁకి యంగదునిఁ దనురోమసర్పసంతతుల నొప్పింప ఘనమైనకడిమి నంగదుఁడు కోపించి గ్రద్దన లయకాలకాలుఁడై మండి యద్దైత్యుమస్తకం బఱచేత వ్రేయ దనుజుని శిరమటు తద్దయుఁబగిలి ఘనరక్తధార లొక్కటఁగ్రమ్ముచుండ రోషాగ్ను లొలుకుచు రోమసర్పముల భీషణాకారుఁడై పేర్చి2224యందంద యంగదునంగంబు లదరంట నేయ నంగదుం డధికరోషాయత్తుఁడగుచు నసురశిరోమధ్య మతిఘోరముష్టిఁ బసచెడఁదాటించి పడవైచి త్రొక్కి తల ద్రుంచివైచి యుద్ధతశక్తి వాని బలువిడి నిర్గతప్రాణుఁగావించె భీషణరణకళాభీలు నన్నీలు రోషించి వృశ్చికరోముండు దాఁకి ఘన విషజ్వాల లొక్కటఁ బిక్కటిల్లఁ దను రోమవృశ్చికతతుల నందంద యేచి నొప్పింప సహింపక నీలుఁ 2225డాచి యద్దానవు నాత్మఁగైకొనక విరథులై రాక్షసవీరులు పఱవ నురుసాలతరువున నురువడి వ్రేసె. వ్రేసిన దనుజుఁ డా వృక్షంబుఁద్రుంచె గాసి2226ల్లి 2227విషరోమకంటకా2228గ్రములఁ. ద్రుంచినఁగనుఁగొని తోరంపుఁగడిమి నంచితజయశీలుఁ డా నీలుఁడలిగి ఘోరబాహాశక్తిఁగుశలుఁడై 2229పేర్చి భూరిశాఖల నొప్పుభూజంబు వెఱికి కొని వచ్చి వాని వక్షోవీథి వ్రేసి యనిమిషు లుప్పొంగ హతజీవుఁజేసె. భగ్నారివీరుఁడభగ్న ప్రతాపుఁ డగ్ని వర్ణుఁడు కడు నాగ్రహవృత్తి వడి మహాటవుల దుర్వారతఁబేర్చి కడఁగి యుగ్రత నేర్చుకార్చిచ్చుకరణి నగణితస్ఫుటవహ్ను లంగంబులందు నిగుడించి క్రోఁతుల నీఱుసేయుచును బ్రళయాగ్ని యునుబోలెఁ బఱతెంచుచుండ నలుకమై వీక్షించి యవనీశ్వరుండు బలిముఖప్రవరులపరిభవక్రమముఁ దిలకించి కరుణావిధేయుండుగాన తలఁపున నోర్వక దనుజునుగ్రతకుఁ దలయూఁచి దశకంఠుతమ్మున కనియె: “నో విభీషణ! నాకు నూహింపఁదెలియ దీవచ్చుచున్నవాఁ డెవ్వఁడో 2230చూడ? నా రావణుఁడు పంప ననిసేయఁగోరి ధీరుఁడై యనలుఁడేతెంచుచున్నాఁడొ? వీఁడొక రాక్షసవీరుఁడో? కాక వీఁడెవ్వఁ? డేర్పడ వివరింపు నాకు.” ననవుడు: “దేవ! వీఁడగ్ని వర్ణుండు; తన మేనిమంటలు దరికొనఁ జేసి. పర్వతంబులనైన భస్మంబు సేయు; గర్వదుర్వారుఁ, డఖండవిక్రముఁడు.” ననిన నచ్చెరువంది యర్కవంశజుఁడు ఘనమైన వాని యుగ్రతఁజూచి యలిగి 2231వాసవనుతుఁడంత వరుణాస్త్ర మేసె. నేసిన నది మింట నెడ మీక నిండి కప్పారు మేఘముల్ గప్పి యార్భటము లుప్పొంగ జడివాన లుడుగక కురిసి యల2232వేది మంటల నార్చి పెల్లార్చి ఖలు నగ్నివర్ణు నొక్కట నేలఁగూల్చె. నాలంబులో నప్పు డగ్నివర్ణుండు కూలుట గనుఁగొని క్రూరుఁడై పేర్చి కోప2233ంబు పేర్మి నక్షుల నిప్పు లురలఁ జూపుల లయకాలసూర్యుఁడై మండి రాముఁగనుంగొని రాక్షసేశ్వరుండు; “రామ! న న్నెఱుఁగవే! రణమధ్యవీథిఁ గ్రూరనిష్ఠురవజ్రఘోరదుర్వార ధారావిదారితోద్ధతకులాచలుఁడు దేవేంద్రుఁడుద్వృత్తి దేవసంఘముల తో వచ్చి యెదిరినఁద్రుంతు నే నాజి. ని న్నేల కైకొందు? నీచకాపేయ సన్నాహమే నన్ను సాధించు 2234నింకఁ! బదిలమై 2235మగపాఁడి పాటింతుగాక! తుదిముట్ట నన్ను నెదుర్కొందుగాక! త్రోచి శస్త్రాస్త్రపంక్తుల నొంతుగాక! యేచి నీలావు నాకెఱిఁగింతుగాక!” యనవుడు రఘురాముఁడాదురాత్మకుని చెనఁటిమాటలు విని చిఱునవ్వు నవ్వి గంధసింధురము ఘీంకార మాలించు సింధురాంతకమత్తసింహంబపోలె నూరకుండుటయు మహోగ్రుఁడై కినిసి యా రాముతమ్ముఁడయ్యసురారిఁదాఁకి ఘోరనారాచముల్ గురియఁదద్బాణ ధారలఁద్రుంచి యాతని లెక్కగొనక భానుపై నడచుస్వర్భానుచందమున భానువంశాధీశుపై నప్పు డడరి దారుణ స్ఫుటవజ్రధారానుకారి నారాచతతుల నన్నరనాథుఁగప్పెఁ. గప్పిన నప్పుడా కాకుత్స్థుఁడలిగి నిప్పులు రాలెడు నిష్ఠురాస్త్రముల నుగ్రుఁడై యేయంగ యుద్ధమద్యమున నిగ్రహింపఁగఁజొచ్చె నెఱసి రావణుఁడు. |
|
 |
|