 |
    |
    |
 |
    |
    |
 |
 |
ఇతిహాసములు | ఉత్తరరామాయణము | ప్రాతఃకాల వర్ణనము |  |
ప్రాతఃకాల వర్ణనము
| వ. | అని వల్కి యగస్త్య మహామునిచంద్రుండు వెండియు రామచంద్రున కిట్లనియె | 241 |
| సీ. | పౌండరీక సమృద్ధిఁ బాపఁగా శశికీర్తి - మలఁగె నా వెన్నెలల్ కలఁకఁబాఱెఁ బతివివర్ణత స్రుక్కు సతుల కన్నుల పోల్కి - రాజు చెన్నఱఁ జకోరములు బడలెఁ బద్మినుల్ వెతఁ జెందఁ బరిహసించిన దోష - మున నాఁగఁ గుముదినుల్ మురువుఁదొఱఁగెఁ బాంథ సంహారపాపమున మూర్ఛిలె మారుఁ - డన రతికుచముల నలసి తూఁగె | |
| గీ. | నిదుర లుడిగి పునారతి కెదల వ్రాలు వాలుగంటుల యాణిముత్యాల సరుల శైత్యమున నుల్కిపడి రభసమున లేచు తత్పతుల నవ్వె దీపికల్ ధవళరుచుల | 242 |
| ఉ. | కంతురణాంతతాంత విటఘర్మకణాపనయ ప్రవీణ సౌ ధాంతర భామినీ వ్యజనతాంచితవృత్తకుచోత్తరీయ చే లాంతమృగీమదాగురు సితాభ్రపటీర విశేషవాసనా క్రాంతములై దిగంతములఁ గ్రమ్మె నిశాంతమరుత్కిశోరముల్ | 243 |
| కం. | మునుకొని వేఁకువ దఱుగరి దినమణిఁ గొనఁదివురు పూర్వదిశకుం గనఁ జూ పిన ముంగరముత్తెమువలెఁ గనఁబడియెన్ వేఁగుజుక్క కలధౌతరుచిన్ | 244 |
| ఉ. | కాయజు బారి కోడి మును గౌతమికై తమకోడి జాతివాఁ డాయె సురేంద్రుఁ డట్టిదొర నాఁగి జయింప దశాస్యుఁడీ యెడం బోయెడు నిత్తెఱంగు వినుప్రోలికిఁ దెల్పుద మంచు బెట్టుగాఁ గూయిడుచున్నవో యనఁగఁ గుక్కుటముల్ రొదసేసె దిక్కులన్ | 245 |
| కం. | తమి విధుఁ గలిసిన యంబర రమ పులకాంకుర పరంపరలు దోడ్తోఁద త్సమయశిశిరానిలునిచే సమసెనొయనఁ దారకావ్రజంబు లడంగెన్ | 246 |
| కం. | చెలిమికి నినుండు బలుకర ములతోఁ జనుదేర మిన్నుముట్టిన యుదయా చలపతికి వేళ వీచిన తెలి వీచోపు జిగిఁ దూర్పు తెల తెల నయ్యెన్ | 247 |
| తే.గీ. | ఎందు ద్విజరాజు నా మించు చందమామ మనల నిద్రాంధకారాబ్ధి మునుఁగఁజేసె మేలుకొలిపె నినుండెంత మిత్త్రుఁడనెడి భాతిఁ బులుఁగులు కలకల పలికె దిశల | 248 |
| చం. | లలితమరందకాంక్ష ముకుళంబులఁ జిక్కిన కైతవంబునం బిలుకల నాండ్రనున్ విడిచిపెట్టి నిశం బ్రతిపక్షబంధు లౌ కలువలకొద్దికై యవియుఁ గందినఁ గ్రమ్మఱఁ జేరుతేఁటులన్ గలకల నవ్వెఁ బద్మినులు, కమ్రతరాచ్ఛవిభాచ్ఛలంబునన్ | 249 |
| మ. | గిరిభృద్వక్షముఁబాసి తావి కిరవౌ కెందమ్మిపూమించు టు ప్పరిగన్ శ్రీ వెలయన్ సరోవరసభా భాగంబునన్ మించె బం భరభామామృదుగానముల్ కవివర ప్రత్యగ్ర పద్యార్భటుల్ తరళోత్తుంగ తరంగరంగ విలసత్కాదంబినీలాస్యముల్ | 250 |
| చం. | అలయక యెల్లెడన్ మెలఁగి యందొకచో నితరేతరాననం బులు దిలకించి యొండొకటి మూర్కొనుచుం దమిఁజేరి చంచువుల్ గళముల నుంచి నిల్చి యెఱకల్ తనువుల్ గదియించి చొక్కుచూ డ్కులు నిగుడన్ బయోరుహకుడుంగములన్ విహరించె జక్కవల్ | 251 |
| శా. | ఆందోళింపఁగఁ జేసె ముందు రజతాహార్యంబు లంకేశ్వరుం డెందుం దుర్జయుఁ డింద్రు వీ డొరయుచో నేమెంచునో? వాఁడు సొం పొందం గానుక నిత్తునంచుఁ దొలిగ ట్టుత్కంఠతో నెత్తు మేల్ చందా కెంపు తెఱంగునన్ దనరె భాస్వద్బింబముం దూర్పునన్ | 252 |
| శా. | పగ్గంపుంబలు చిల్వరా పడగనున్ బ్రాగెంపుఱాచాయలన్ డిగ్గం ద్రావి నవారుణాబ్జగృహవాటీభాగ్రమాసంచలత్ దృగ్గాఢస్తనకుంకుమద్యుతులతో రెట్టించి భాసిల్లె ద త్ప్రాగ్గిర్యాతత ధాతురాగరుచులన్ బాలార్కశోణాంశువుల్ | 253 |
| ఉ. | అంతకుమున్నె రావణనిశాటకులేంద్రుఁడు వీతనిద్రుఁడై యంతికవాహినిన్ వలయు నాహ్నికకృత్యము లాచరించి దు ర్దాంతరణోత్సవంబునఁ బ్రధాన సహోదరపుత్త్రమిత్త్ర సా మంత సుహృద్భటోత్తముల మన్ననఁ దోడ్కొని సేనలుబ్బఁగన్ | 254 |
| స్రగ్ధర | కదలెన్ గంఖాణ రింఖాగ్ర నిహతరజత గ్రావపాదాళి నుగ్గై చెదరన్ హస్తీంద్ర హస్తాంచితవమథుల జేజేల పెంద్రోవ లెల్లన్ జొదు గొందన్ స్యందనప్రస్ఫురితగతులచే క్షోణి వ్రీలం బతాకల్ గదియన్ వ్యాపించుబల్ చీఁకటుల రవిరథక్షత్త యంధత్వమూనన్ | 255 |
|
 |
|