 |
    |
    |
 |
    |
    |
 |
 |
పురాణేతిహాసములు | శ్రీమహాభాగవతము | దశమస్కంధము - పూర్వభాగము |  |
వత్సాసుర బకాసురుల వధ
| క. |
క్రేపుల యఱ్ఱులు నాకుచుఁ, గ్రేపులలో నిదియె మంచి క్రే పనఁగఁ గడుం జూపట్టి భక్తి సంగతిఁ, గ్రేపై చనువాని మ్రోలఁ గ్రేపై తిరిగెన్. |
433 |
| వ. | వాని నెఱింగి కృష్ణుండు రామునకుం జెప్పి. | 434 |
| చ. |
‘ఇది యొక మంచిలేఁగ, వినుఁ డెంతయు నొప్పెడి’ నంచు డాసి, త త్పదములఁ దోఁకయున్ బిగియఁ బట్టి చెలంగి వెలంగమ్రానితోఁ జదియఁగ నొక్క పెట్టుగొని చంపెఁ గుమారుఁడు లేఁగరక్కసుం, గుదులుకొనంగ బాలకులు గోయని యార్వ నఖర్వలీలతోన్. |
435 |
| వ. | ఇట్లు రక్కసుండు వ్రేటుపడి విశాలంబగు సాలంబుతో నేలంగూలె, నప్పుడు. | 436 |
| క. |
గొంగడు లెగురఁగ వైచుచుఁ, జంగున దాఁటుచును జెలఁగి చప్పట లిడుచుం బొంగుచుఁ గృష్ణునిఁ బొగడుచుఁ, ద్రుంగిన రక్కసునిఁ జూచి త్రుళ్ళిరి కొమరుల్. |
437 |
| వ. | ఆ సమయంబున వేలుపులు విరులవానలు గురియించి, రివ్విధంబున. | 438 |
| క. |
వత్సములపగిది జగముల, వత్సలతన్ మనుపఁజూచువాఁడై యుంటన్ వత్సముల మేపుచుండియు, వత్సాసురుఁ జంపె భక్త వత్సలుఁడధిపా! |
439 |
|
 |
|